<<聖經>>

自從中一開始，我書櫃就開始有聖經，隨著年紀增長，聖經數目有增無減。

不過，十幾年黎，我係一本都無睇過，d聖經一直都係用黎「擺」。

幾星期前開始，唔知咩動力驅使我去打開本聖經睇，就由創世記開始睇。

唔睇由自可，睇落真係比本聖經嚇親……….

創世記裡面紀錄左好多我完全諗唔到會出現響聖經入面ge罪惡同反輪理行為。

亦因為咁，驅使我好奇心一路睇落去。尋日終於睇完創世記。

我細個果陣同好多人一樣，都問左一個自已覺得自已問得好醒ge問題：又話得阿當夏娃？咁如果佢地d後人唔亂輪，咁呢個世界點會有咁多人呀？

呢個問題，我都唔明白我當年點解會咁執著要人答。

當睇完創世記，我發現亂輪呢d事，聖經裡面係有記載，我睇到果刻，真係嚇我一跳……個故事大約係咁……

創世記一直都好強調唔同人ge後裔，因為後裔係可以承受前人所接受上帝ge祝福。簡單黎講，如果上帝賜福比你爸爸，咁你就可以承傳「上帝ge福」。咁有一個叫羅得ge人，佢ge袓仙都係得到祝福，咁羅得當然都受到祝福。

有一日，有兩個天使(據我ge理解，聖經裡面ge天使ge外型唔係我地想象中咁，天使都可以用「人」ge形態出現) 去搵羅得。

羅得住響一個城裡面，城裡面ge村民知道左有人黎探羅得，d村民就扶老帶幼咁包圍羅得ge屋，然後叫羅得：你快d交果兩個人出黎(天使) ，任我地處置！！！

【我唔知d村民知唔知道果兩個人係天使，亦唔知道果個天使係男人定女人，我都唔明點解佢地要羅得交人，不過anyway，羅得ge回應令我好surprise】

羅得就話：佢地係我客人，你地唔好對佢做惡事呀，喇，我有兩個女，仲係處女黎架，我可以將我個女交比你地，你地中意點都得！！總之就唔好搞我ge客人。

嘩！！我睇到呢到，我覺得真係變態！！你話如果呢件事發生響現世，將會十分哄動。交自已個女出去比成條村ge村民，仲好似驚個女唔死咁，話比人聽佢係處女！

故事仲未完…..

天使當然唔係咁cheap啦，天使就同羅得講：喇，你快d帶你兩個女離開呢個城，有咁高走咁高，呢個城充滿罪惡，我要消滅呢個城同裡面ge人！

咁羅得就帶兩個女走到一個山ge山洞裡頭，天使就用水將個城淹沒左。

呢個時候，大女就同細女講：阿妹，死喇，d人死晒，咁咪無晒男人，我地無仔生，無後裔喇……不如?!..... 我地同爸爸訓一夜，咁我地咪有仔生lor！

跟著大女就比酒爸爸飲，然後同佢發生關系，咁就有左。

然後，大女同細女講：我尋晚搞掂lu，阿妹，今晚到你。

然後，阿妹又比酒阿爸飲，又同佢訓一覺，然後又有左。

….

實在太變態……..仲有好多罪惡同反輪理ge事，例如個仔同爸爸ge妾發生關系、強暴、殺兄弟、一夫多妻等等……

呢d野都係我睇聖經前估唔到ge。

睇完之後，我明白到點解呢個世界上會有咁多所謂「邪教」，如果要立心借聖經做壞事，真係點講都通。如果要用聖經去否定呢個宗教，用我地現實ge標準，真係話都無咁易。關鍵真係在於讀者ge心態同經歷，問題係你將事件ge著眼點放響邊到。

創世記裡面，其實除左呢d咁邪惡ge行為，都仲有好多好ge野，例如約瑟原諒想殺佢ge兄弟。雅各都唔祝福佢果個人殺人同暴力ge仔(祝福響佢地心目中係一件好重要ge事)。聖經裡面紀錄左好多罪惡，係發生左ge事實，罪惡始終係罪惡，唔會因為佢出現左響聖經而變成善事。所以，睇聖經絕對係一件好傷神ge事，因為係好需要你ge判斷力，一個唔覺意，自已都會唔小心跌入道德ge混亂裡面，思想都變到很指鹿為馬。

如果我對以上聖經內容理解有錯，請隨意修正。

王子